Teri Umeed Tera intizar Jab sey Hai

Teri Umeed Tera intizar Jab sey Hai
Na shab ko din sey shikayat na din ko shab sey hai

Kisi ka dard ho karty hein tery Naam Raqim
Gilla hai jo bhi kisi sey tery Sabab sey hai

Howa hai Jab sey Dil Nasaboor beyqaboo
Kalam tujh sey Nazar ko bary Adab sey hai

Ager sharrar hai to Bharky jo phool hai to khilley
Tarah Tarah ki Talab tery Rang-e-Lab sey hai

Kahan Gaey Shab-e-Furqat key Jagney Waly
Sitara-e-Sehri Hamkalam kab sey hai

Faiz  Ahmad Faiz

Faiz Ahmed Faiz