|
|
Woh kehti hai Suno Jana
Mohabbat Moom ka ghar hai
Tapish Badgumani ki
Kahin Pighla Na dy isko
Main kehta Hon
Jis Dil main Zara Bhi Badgumani Ho
Wahan Kuch or Ho to Ho
Mohabbat Ho Nahi Sakti
Wo Kehti Hai Sada Aisy hi
Kya tum Mujh ko Chaho Gy
Key Main is mein kami ko Bhi
Gawara ker Nahi sakti
Main kehta Hon
Mohabbat Kya hai
Yeh tum Ny Sikhaya hai
Mujhey tum Say Muhabbat Ky Siwa
Kuch Bhi Nahi Atta
Wo Kehti Hai
Judai Sey Bohat Darta Hai Mera Dil
Key Khud ko Tum Sey hat key dekhna
Mumkin Nahi Hai Ab
Main Kehta Hon
Yahi Khadshy Mujh ko Bohat Sataty Hain
Magar Sach hai Muhabbat Main
Judai Sath Chalti Hai
Wo Kehti Hai
Batao Kya Mery Bin Ji Sako Gy Tum
Meri Baatein,Meri Yaadein,Meri Ankhein
Bhula Do gy
Mein Kehta Hon
Kabhi is Baat per Socha Nahi mein Ny
Ager ik Pal ko bhi sochon to
Sansein Rukney Lagti Hain
Wo Kehti Hai tumhein Mujh Sey
Muhabbat is Qadar kion Hai
Ky Main ik Aam Si Larki
Tumhein kion Khaas Lagti Hoon
Main kehta Hoon
Kabhi Khud ko Meri Ankhoon Sey tum Dekho
Meri Dewangi kion hoo
Yeh Khud hi jaan jao gi
Wo kehti hai
Mujhey Waraftagi sey Dekhty kion Ho
Key Mein Khud ko
Bohat Qeemti Mehsoos krti Hoon
Mein kehta Hoon
Mata-e-Jaan bohat Anmool Hoti Hai
Tumhein Jab dekhta hoon zindagi!
Mehsoos karta hoon...
Wo kehti Hai
Mujhey Alfaaz ky Jugno Nahi Milty
Key tumhein bata sakoon
key Dil mein mery
Kitni Muhabbat Hai
Mein Kehta Hoon
Mohabbat tou Nigahoon Sy jhalakti hai
Tumhari Khamshi Mujh sy
Tumhari Baat Krti hai
Wo kehti Hai
Btao Na Kis ko Khooney Sey drty Ho
Btao Kon hai wo Jisay
Yeh Mousam Bulaty Hain
Mein Kehta Hoon
Yeh Shaeri Hai Aiena Dil Ka
Zara Dekho btao Kya
Tumhein is Mein Nazar Aya?
Wo kehti Hai
Sunoo! Bohat Batein bnaty Ho
Magar Sach hai yeh baatein
Bohat hi Shaad Rakhti hain
Mein Kehta Hon
Yeh Sab Batein Yeh Fasany ik Bahana Hain
Key Pal Kuch ZIndagi Key
Tumhary Sath Katt Jaen
Phir usky Baad Khamoshi Ka
Dilkash Raqs Hota Hai
Nigahein Bolti Hain Or
Lab Khamosh Rehty Hain!!!
Lab Khamosh Rehty Hain!!!
