Sara Din Mein ik Chehra Sochta Rehta Hon

Sara Din Mein ik Chehra Sochta Rehta Hon
Jis ko Dekha Nahi hai,usi ko Dekhta Rehta Hon

Ankhein Rehn Pari hain Jis key Hijr mein Sadiyon sey
Aainoon mein usi ka Aks choomta Rehta Hon

Sabz Parindoon Waley Sahil ki Tabeer ki Khatir
Mein ik Khawab ko Apney Khawab Sunata Rehta Hon

Wasl key Rang,Shanasa Khushboo,phailey chaaroon aurr
Shaam saveery un key peechy chalta Rehta Hon

Dill ka dard jaganey wali ik sada or mein
Apney Hath Mein Aik Lakeer Si dhoondhta Rehta Hoon

ik Awaaz mein Shamil Kesi Awazein Hain Ahmad
Kya Kuch Yaad Atta hai,Kya Kuch Bolta Rehta Hoon

Ghazal Shayari