itni Qabrein na banao Mery Ander

Ashk Ankhon Mein chupatey Hoey Thak Jata Hun
Bojh Paani Ka uthatey Hoey Thak jata hon

Paon Rahtey Hain jo Mujh pey unhein Ahsaas nahi
Mein nishanaat mitatey Hoey Thak jata hon

Barf Aisi key Pighalti nahi Paani Ban ker
Pyaas aisi key bujhatey Hoey Thak jata hon

Achi lagti nahi is darja shanasayi
Hath Hathoon sey milatey Hoey Thak jata hon

Gham gusaari bhi ajab Kaar-e-Muhabbat hai key Mein
Roney waloon ko Hansaatey Hoey Thak jata hon

itni Qabrein na banao Mery Ander Mohsin
Mein Charaghon ko Jalatey Hoey Thak Jata hoon

Mohsin Naqvi Poetry