|
|
Shakista Ainoon ki kirchiyan Achi nahi lagteen
Mujhey wadoon ki khali seepiyan Achi Nahi lagteen
Guzishta rutt key rangon ka aser dekho key Ab mujh ko
Khulay Angan main urti titliyan Achi nahi lagteen
Woh kia ujra nagar tha,jis ki chahat key sabab ab tak
Hari bailon sey uljhi tehniyaan achi nahi lagteen
Dabby paon hawa jin key chiraghon sey behalti ho
Mujhey Aisey gharoon ki khirkiyan Achi nahi lagteen
Bhalay lagtey hain toofanoon sey larty badbaan mujh ko
Hawa key rukh pey chalti kashtiyan Achi nahi lagteen
Yeh keh ker Ajj us sey bhi talluq toor aya hon
Meri Jaan,mujh ko ziddi larkiyan Achi nahi lagteen
Kiss gher main rasn basta rahain jo raat din Ahmed!!!
Mujhey Aksar wo sehmi hirniyan Achi nahi lagteen..!!!
