|
|
Main Aisi Mohabbat karta hon
Tum keisi Mohabbat karti ho
Tum Jahan pey beth key jati ho
Mein waheen pey betha rehta hon
Us cheez ko choota rehta hon
Main aisi Mohabbat karta hon
Tum jis sey hans key milti ho
Main us ko dost banata hon
Tum jis rasty per chalti ho
Main us sey Atta jata hon
Main aisi Mohabbat karta hon
Tum Keisi Mohabbat karti ho
Tum jin ko dekhti rehti ho
Wo khawab sarhany rakhta hon
Tum sey milney Julney key
Kitney hi bahany Rakhta hon
Main aisi Mohabbat Karta hon...
Tum Keisi Mohabbat Karti ho?
Jin logon main tum rehti ho
Tum jin sye batein karti ho
Tum jin sye hans key milti ho
Jo tum ko achy lagty hain
Wohi mujh ko achy lagty hain
Main aisi Mohabbat karta hon
Tum Keisi Mohabbat karti ho?
Jis bagh main subah ko jati ho
Jis sabzy per tum chalti ho
Jo shakh tumhein cho jati hai
Jo khushboo tum ko bhaati hai
Wo ooos tumharey chehrey per
Jo qatra qatra girti hai
Wo titli choor key pholon ko
Jo tum sey milney aati hai
Jo tum ko chooney ati hai
Un sab key nazuk jazboon main
Mery dil ki dharkan basti hai
Meri rooh bhi shamil rehti hai
Tum pass raho ya door raho
nazroon main samai rehti ho
Main tum ko takta rehta hon
main tum ko sochta rehta hon
main aisi Mohabbat karta hon
Tum keisi Mohabbat karti ho?
Jis college main tum parhti ho
jis class main bhi tum jati ho
jis kursi per tum bethti ho
Jab class wo khali hoti hai
Main ja key us main bethta hon
Us kursi ko main choota hon
Gadla sa ik tissue paper
Jo tum ney class main chora tha
Main pyaar sey usko choota hon
Wo copy jis main lecture key tum
Point likhti rehti ho
Her moqey per har manzar main
Main sath tumharey rehta hon
Main chashm-e-tasawar main Aksar!
Bus tum ko dekhta rehta hon
Bus tum ko sochta rehta hon
Main Aisi Mohabbat Karta hon
Tum Keisi Mohabbat karti ho?
Larki Ka Jawab....
Tum jab bhi gher per aaty ho
Aur sab sey batein karty ho
Main aout sey pardey ki Jannan
Bus tum ko dekhti rehti hoon
Ik tum ko dekhny ki khatir
Main kitni pagal hoti hoon
Main aisi mohabbat karti hoon
Tum Keisi Mohabbat karty ho?
Jab darwazy per dastak ho
Ya ghenti phone ki bajti hai
Main choor key sab kuch bhagti hoon
aur tum ko jo na paoon to
Ji bhar key rooney lagti hoon
Main aisi Mohabbat karti hon
Tum Keisi Mohabbat karty ho?
Mehfil main kaheen bhi jana ho
Kapron ka selection karna ho
Rang bohat sey samny bikhray hoon
Us rang pey dil ajata hai
Jo rung key tum ko bhata ho
Rozana apney college main
Kisi or ka lecture suntey hoey
Ya break key khali ghenty main
Sakhyoon sey batein karty hoey
Meray Dhiyaan main tum aajaty hoo
Main,"mein" nahi rehti phir jannan
Main "tum" main gum hojati hon
Bus khawaboon main khoo jati hon
Un Ankhon main kho jati hon
Main aisi Mohabbat karti hoon
Tum keisi Mohabbat karty ho?
Jis chehry per bhi nigah parey
her chehra tum sa lagta hai
Wo sham ho ya key dhop samy
Sab kitna bhalla sa lgta hai
Janey yeh keisa Nasha hai
Garmi ka tapta mousam bhi
Jaray ka maheena lagta hai
Main aisi Mohabbat karti hoon
Tum keisi Mohabbat karty ho?
Main tum sey sunna chahti hon
Tum keisi Mohabbat karty ho
Tum jab bhi samney atty ho
Kash kabhi tum yeh keh do
Tum Mujh sey mohabbat karty ho
Tum mujh ko bohat hi chahty ho
Lekin janey tum kion chup ho
Yeh soch key dil ghabrata hai
Aisa to nahi hai na jannan
Sirf meri nazar ka dhoka ho
Tum Ney Mujh ko chaha hi na ho
Main tum sey pochna chahti ho
Lekin kuch pooch Nahi sakti
"Manna key Mohabbat hai Phir Bhi"...
Lab apney khool Nahi sakti
Main Larki hooon keisy keh doon
Main keisi Mohabbat karti hon
Main tum sey yeh keisy pochon
Tum keisi Mohabbat karty ho
Chup Chup si Main...Ho jati hoon
Phir dil Main apney kehti hoon
Main aisi Mohabbat karti hoon
Tum keisi Mohabbat karty ho?
